Гарадзішча

Гарадзішча ранняга жалезнага веку на правым беразе р. Чорная Натапа, у 0,1 км на поўдзень ад вёскі, у 1,1км паўночна-заходнее ад шашы Чавусы-Мсціслаў. Помнік размешчаны на ўзвышшы, вышынёй 4-5 м, схілы якога і пляцоўка густа параслі дрэвамі і хмызняком. Пляцоўка ў плане авальная, памерам 43х28 м, арыентавана з паўднёвага ўсходу на паўночны захад, з агульным нахілам з захаду на ўсход, у бок ракі. Па перыметры пляцоўка ўмацавана валам вышынёй 1,2 м пры шырыні да 6 м, з падлогавага боку 3,2 м і 8 м адпаведна.