Адпраўлена!

Памылка!

Гарадзішча

Цiкавае

Змест

Звесткі аб каштоўнасці

Шыфр

213В000214

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Віцебская вобласць, Браслаўскі раён, в. Укля

Датаванне

VІІ ст. да н.э. - ІV ст. н.э.

Апісанне

Гарадзішча знаходзіцца на поўнач ад вёскі, на беразе воз. Укля, ва ўрочышчы Тарылава. Пляцоўка авальная, вышыня над наваколлем 20 м. Адносіцца да днепра-дзвінскай культуры і культуры штрыхаванай керамікі. Датуецца VІІ ст. да н.э. - ІV ст. н.э. Археолагі мяркуюць, што ўзгоркавае гарадзішча каля в. Укля адносіцца да слабаўмацаваных паселішчаў са штучна падрэзанымі схіламі.

Помнік адкрыў у канцы ХІХ ст. Ф. В. Пакроўскі, абследавалі ў 1972 М. М. Чарняўскі, у 1976, 1980 Л. У. Дучыц, у 1990 - 1992 гг. - В.І. Шадыра, у 1992 г. - А.А. Егарэйчанка. Былі знойдзены рэшткі ляпнога посуду днепра-дзвінскай культуры і культуры штрыхаванай керамікі, касцяныя праколкі, косці жывёл.

У 1990 г., пры абследванні гарадзішча, побач было выяўлена селішча. Падчас раскопак былі знойдзены фрагменты глінянага посуду, косці жывёл, жужаль і інш. Знойдзеныя фрагменты шурпатай, а дакладней “аблітой”, керамікі, сведчаць, што ў гэты час адбываліся культурныя змены ў жыцці мясцовага насельніцтва.

На падставе выяўленых знаходак, даследчыкі прыйшлі да высновы, што гарадзішча было заснавана ў другой палове І ст. да н.э. носьбітамі днепра-дзвінскай культуры. Потым іх змянілі носьбіты культуры шрыхаванай керамікі. За гэты час, відаць, гарадзішча два разы перабудоўвалася. Аб чым сведчыць магутная падсыпка па схілах гарадзішча.