Гарадзішча

Гарадзішча каля в. Свіла-1 - помнік археалогіі 9 - пач. 10 стагоддзя. 

Пляцоўка авальная памерам 100 х 80 м. Узвышаецца над поймай на 18-20 м. Умацавана 3 кальцавымі валамі і 2 равамі. Пляцоўка і схілы зараслі лесам і хмызняком. 

Асноўныя знаходкі: наканечнікі стрэл, скроневыя кольцы, завушніца-лунніца, прасліцы; рэшткі глінянага посуду адносяцца да культуры доўгіх курганоў, якая належала крывічам і асіміляваным балтам. На гарадзішчы выяўлены 2 грунтавыя пахаванні з абрадам трупаспалення.

 Выявіў у 1893 г. Ф.В. Пакроўскі, абследавалі ў 1965 г. Г.В. Штыхаў, у 1972 г. М.А. Ткачоў. Даследаваў у 1974 г. А.Р. Мітрафанаў.  Стан здавальняючы.