Адпраўлена!

Памылка!

Гарадзішча

Цiкавае

Змест

Звесткі аб каштоўнасці

Шыфр

213В000522

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Віцебская вобласць, Лепельскі раён, в. Стары Лепель

Датаванне

I - V стст.

Апісанне

Гарадзішча знаходзіцца на ўсход ад цэнтра в. Стары Лепель, на востраве воз. Лепельскае. Займае адзін з цэнтральных пагоркаў. Дыяметр 200 м. З паўднёвага боку прасочваюцца рэшткі кальцавога вала вышынёй каля 1 м і шырынёй каля 3 м. Пляцоўка мае форму авала, выцягнутага па лініі поўнач - поўдзень. Моцна пашкоджана сярэднявечнымі і сучаснымі могілкамі, якія займаюць усю паўднёвую і ўсходнюю часткі гарадзішча і датуюцца XV-XX стст. У цэнтры пляцоўкі захаваліся два каменныя крыжы. Само гарадзішча датуецца мяжой н.э. -- другой чвэрцю І тыс. н.э.

Адкрыў помнік Г.В. Штыхаў у 1969 г., абследавалі М.А. Ткачоў (1969, 1979) і А.Г. Мітрафанаў (1972). Г.В. Штыхавым была зафіксавана ляпная кераміка на паўднёвай ускраіне выспы.

У 2008 г. абследаванне і раскопкі праводзіла З.А. Харытановіч. Былі выяўлены пахаванні, якія адносяцца да сярэднявечча. Знойдзены фрагменты ляпной гладкасценнай і штрыхаванай керамікі днепра-дзвінскай культуры, рэшткі гаршчка з глянцавай паверхняй, фрагменты гліняных грузікаў, гліняныя праселкі (з лінейным і кропкавым арнаментам), жалезны серп усходнелітоўскага тыпу, фрагмент наканечніка двушыпнага дроціка, абломак каменнай сякеры кліна, бронзавыя скроневыя колцы.