Адпраўлена!

Памылка!

Гарадзішча

Цiкавае

Змест

Звесткі аб каштоўнасці

Шыфр

213В000579

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Віцебская вобласць, Пастаўскі раён, г. Паставы, вул. Набярэжная, на месцы, дзе знаходзіцца "Касцёл" - мясцовая назва "Востраў"

Датаванне

XV - XVIII стст.

Апісанне

Гарадзішча ўяўляе сабой пясчаную паўвыспу, утвораную вялікім выгінам ракі Мядзелкі. Па некаторых звестках, гарадзішча было штучна аддзелена ад мацерыка каналам, у выніку чаго пераўтварылася ў своеасаблівы Востраў (адсюль яшчэ адна назва гэтага месца).

Гарадзішча з’яўляецца гістарычным цэнтрам г. Паставы. Зараз тут знаходзіцца касцёл Святога Антонія Падуанскага і Беззаганнага Зачацця Прасвятой Дзевы Марыі. На думку даследчыкаў, верагодна, на месцы Пастаўскага гарадзішча, знаходзіўся замак, які быў спалены пад час аднаго з крыжацкіх нападаў у 1369 г. і не быў адноўлены.

У пачатку 1990-х гг. гарадзішча даследавала Квяткоўская А.В. Пад час раскопак былі знойдзены розныя рэчы: непаліваны гаршчок XVI ст., шматлікія фрагменты непаліванага і паліванага керамічнага посуду XV-XVIII стст., фаянсавыя талеркі з сюжэтным роспісам сіняга i цёмна-шэрага колеру, аптэчныя флаконы, шмат фрагментаў бутэлек XVII-XIX стст., кафля розных тыпаў, якая датуецца XVI-XVII стст., цацка-свісцёлка (вершнік на кані), паліваны кубак пачатку XVI ст., шматлікія гаспадарчыя прылады.