Гарадзішча-2 перыяду ранняга сярэднявечча
Гарадзішча-2 перыяду ранняга сярэднявечча
Змест
Звесткі аб каштоўнасці
Шыфр
313В000507
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
IX - XI стст.
Апісанне
Гарадзішча-2 перыяду ранняга сярэднявечча знаходзіцца ў паўднёва-ўсходняй частцы горада Мазыр, паміж вул. Гогаля і зав. Фабрычны, ва ўрочышчы Кімбараўка, на мысе паміж двума ярамі правага берага р. Прыпяць. Пляцоўка няправільнай трохвугольнай формы. З напольнага заходняга боку гарадзішча ўмацавана валам падковападобнай формы. Пляцоўка пашкоджана ваеннымі траншэямі, зарослая.
Помнік выявіў у 1926 г. Б.І. Федарака, абследавалі ў 1951 г. Ю.У. Кухарэнка, у 1976 г. У.Ф. Ісаенка, у 1982-83 гг. Г.М. Залашка і Вас. А. Булкін, у 2000-02 гг. Ю.У. Каласоўскі. Была выяўлена ляпная кераміка, арнаментаваная грабеньчатым штампам, з расліннымі дамешкамі ў цесце (адносіцца да культуры шматвалікавай керамікі бронзавага веку), адзінкавыя фрагменты ляпнога посуду зарубінецкай культуры жалезнага веку. У старажытнарускі перыяд гарадзішча было ўмацавана ровам і валам, які складаўся з чырвонай гліны і пяску. З унутранага боку былі выяўлены рэшткі драўлянага памоста абарончай сцяны. Побач з ім знойдзены 3 пабудовы прамавугольнай формы, рэшткі каменных агнішчаў. Ва ўсходняй частцы гарадзішча, на краі пляцоўкі выяўлены слупавыя ямы ад частакола, які кальцом агароджваў пляцоўку і 2 паўзямлянкі. Побач з жытламі знаходзіліся гаспадарчыя ямы. У запаўненні пабудоў і ям знойдзены фрагменты ляпной і раннекругавой керамікі роменска-боршаўскай культуры, гліняныя і шыферныя прасліцы, бронзавыя накладкі, падковападобная фібула, кольцы, бразготка, сердалікавая пацерка, палова сярэбранага дырхема (Аль-Мухамедзі, 798-799), жалезныя наканечнікі стрэл, нажніцы, сярпы, наральнік, гліняны тыгель і інш.
Доступ да аб'екта