зваротная сувязь
Калі вы заўважылі недакладнасць, ці маеце пытанне - лістуйце:
Гарадзішча
Шыфр
213В000204
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
XI ст.
Апісанне
Гарадзішча знаходзіцца ў трохстах метрах на поўдзень ад вёскі. Марэнны ўзгорак, на якім узнікла паселішча, размешчаны на ўсходнім беразе воз. Дзерба. Вышыня гарадзішча 18 м. Яго пляцоўка займае 1 га. Культурны слой неаднолькавы, вагаеццца ад 0,2 да 1,2 м.
Абследавалі ў 1955 г. Л. В. Аляксееў, у 1972 г. М. М. Чарняўскі. У 1976-83 гг. раскопкі праводзіла Л. У. Дучыц. У 1982 г. праводзіліся падводныя раскопкі ў воз. Дзерба, якое прымыкае да гарадзішча. Даследавана 16 кв.м плошчы. Культурны пласт 0,2-0,25 м. Знойдзены цыліндрычны замок, шыфернае прасліца, фрагмент сіняга шклянога пярсцёнка, медная блешня, кераміка і інш.
Атрыманы ў Маскавічах матэрыял сведчыць, што асновай гаспадаркі было земляробства і звязаная з ім жывёлагадоўля. Паляўніцтва і рыбалоўства мелі вялікую ролю.
Аб значнай ролі гандлю ў жыцці паселішча сведчаць знаходкі чатырох гірак - разнаважак і вялікай жалезнай гіры. Усё гэта гаворыць аб тым, што старажытныя Маскавічы з’яўляліся сваеасаблівай гандлёвай факторыяй.
Сартаваць па