Гарадзішча

На ўсходнім беразе вострава Замак. Займае мыс узвышша, вышыня над узроўнем вады ў возеры 10 м. З паўночна-ўсходняга і паўднёва-заходняга бакоў раней таксама была вада (цяпер тут балота). Пляцоўка памерам 70х50 м. З паўночна-заходняга боку ўмацавана ровам глыбінёй каля 5м і шырынёй да 20 м. На краі пляцоўкі ёсць вал вышынёй да 3 м (з боку возера вала няма). Вядома з канца 19 ст. Абследавалі ў 1934 г. А.Цэгак-Галубовіч і У.Галубовіч, у 1956 г. Л.В.Аляксееў, у 1981 г. М.А.Ткачоў, у 1985 г. Я.Г.Звяруга. Датуецца 10-15 стст. Стан здавальняючы.