Адпраўлена!

Памылка!

Гарадзішча Асабнякі-1; селішча Асабнякі-2

Цiкавае

Гарадзішча Асабнякі-1. Выгляд з усходняга боку

Змест

Звесткі аб каштоўнасці

Шыфр

413В000524

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Рэшткi старажытных пасяленняў

Месца знаходжання

Гродзенская вобласць, Слонімскі раён, в. Асабнякі, на паўночна-ўсходняй ускраіне вёскі, 0,15 км на паўднёвы ўсход ад плаціны, 0,4 км на поўдзень ад чыгункі; на ўсход ад гарадзішча

Датаванне

VI ст. да н. э. - ІV ст. н. э.

Апісанне

Гарадзішча Асабнякі-1 знаходзіцца на паўночнай ўскраіне вёскі і на ўзвышшы, якое цягнецца на поўнач амаль да балота (ур. Мохава Балота), на захад ад могілак, на правым беразе р. Булянка. Паверхня помніка, акрамя паўднёва-ўсходняй часткі, якая часткова выкарыстоўваецца мясцовымі жыхарамі пад агароды, задзірваваная. Прыкладныя памеры селішча да 6 га. Датуецца VI-VIII, X-XII стст.

Было выяўлена ў 1963 г. В.Р. Супруном. Абследавалася гэтым жа даследчыкам у 1964 г., Л. Д.Побалем у 1974 г. У 2011 г. сучасны стан помніка абследавалі М. І. Ткачова і З. А. Харытановіч.

Селішча Асабнякі-2 размешчана за паўночна-заходняй ускраінай вёскі Асабнякі, на паўднёвы ўсход ад плаціны, на ворыўным полі на правым беразе р. Валабрынка побач з гарадзішчам. Прыкладныя памеры да 1 га. Датуецца VI- XIII стст.

Было выяўлена ў канцы XIX ст. Ф. В. Пакроўскім, абследавалася ў 1963 г. В.Р. Супруном, у 1974 г. П. Ф. Лысенкам і Л.Д. Побалем. Пад час абследавання на пляцоўцы сабраныя фрагменты сярэднявечнага кругавога посуду. У 2011 г. супрацоўнікі аддзела археалогіі першабытнага грамадства ІГ НАН Беларусі З.А. Харытановіч і М.І. Ткачова абследавалі сучасны стан помніка. Былі сабраныя фрагменты керамікі старажытнарускага часу, якая дазваляе пашырыць храналогію помніка да XIII ст.