Адпраўлена!

Памылка!

Гарадзішча і могільнік Збочна-1

Цiкавае

Змест

Звесткі аб каштоўнасці

Шыфр

413В000541

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Гродзенская вобласць, Слонімскі раён, в. Збочна, на заходняй ускраіне вёскі, на левы бок ад дарогі на аграгарадок Драпава, на поўдзень ад возера, на беразе р. Акоўка, ва ўрочышчы Гарадзішча

Датаванне

XI - XII стст.

Апісанне

Гарадзішча размешчанае на заходняй ускраіне вёскі на беразе р. Акоўкі ва ўрочышчы Гарадзішча. Пляцоўка акруглай формы дыяметрам 50 м. Вышыня над поплавам 8 - 10 м. Умацавана кальцавым валам. За валам размешчаны роў шырынёй 7 - 12 м і глыбінёй каля 1 м, за якім ідзе знешні вал.

Могільнік быў размешчаны на гарадзішчы і па-за валамі. На пляцоўцы ў канцы ХІХ ст. прасочваліся некалькі курганоў і дзве ямы з цаглянай муроўкай ад парахавых склепаў. Яшчэ 4 курганы знаходзіліся за ровам у полі.

Гарадзішча і могільнік былі адкрыты і ўпершыню даследаваны ў 1892 г. Я.М. Міхайлоўскім, які раскапаў адзін з курганоў на полі за ровам гарадзішча. У 1959 г. помнік абследаваў П. А. Рапапорт. У 1960-1980-я гг. помнік абследавалі Ф. Д. Гурэвіч. В. Р. Супрун, В. В. Сядоў, Л.Д. Побаль, С. А. Піваварчык.

Грунтоўныя раскопкі адбыліся ў 1995, 1997, 1998 гг. пад кіраўніцтвам А.А. Дабрыяна і С.А. Піваварчыка. Былі выяўлены рэшткі пахаванняў пад насыпамі валоў, абломкі кругавой керамікі, знойдзены археалагічныя артэфакты ХІ-ХІV стст., удакладнена канструкцыя валоў і даціроўка помніка.