Гарадзішча знаходзіцца на паўночны захад ад вёскі, на высокім беразе старыцы р. Нёман. Пляцоўка прамавугольная, з паўночнага захаду па краі ўмацавана валам вышынёй. За валам роў шырынёй да 12 м, адмяжоўвае гарадзішча ад прыроднага ўзвышша. Мясцовая назва гарадзішча - Замчышча або Гарадзішча. 

Помнік археалогіі выявіў у 1895 г. Ф.В. Пакроўскі, абследавалі ў 1958 г. Ф.Д. Гурэвіч, у 1973 г. П.Ф. Лысенка, у 1984 г. Я.Г. Звяруга. Культурны пласт выражаны слаба. Зрэдку трапляюцца абломкі ганчарнай керамікі, цэглы і камяні са слядамі раствору.