Гарадзішча перыяду ранняга сярэднявечча

Гарадзішча перыяду ранняга сярэднявечча (X – XIII стагоддзі), якое размешчана ў 2.5 км на паўночны захад ад в.Туры, ва ўрочышчы Барок і Замчышча з’яўляецца археалагічным і духоўным помнікам матэрыяльнай культуры. Адкрыў у 1953 годзе Міралюбаў Баян Васільевіч, даследванні ажыцяўляў Г.М.Залашка. Пляцоўка круглая ў плане, дыяметрам 100 метраў. Умацавана валам вышынёю каля 5 метраў і шырынёю 12 – 15 метраў, моцна зарасла дрэвамі і кустамі. У выніку шурфоўкі выяўлены культурны пласт 0.1 м. Помнік звязаны з абарончымі збудаваннямі плямёнаў дрыгавічоў, якія рассяліліся на тэрыторыі Цэнтральнай Беларусі ў другой палове І тысячагоддзя нашай эры.