Адпраўлена!

Памылка!

Гарадзішча перыяду ранняга жалезнага веку

Цiкавае

Змест

Звесткі аб каштоўнасці

Шыфр

213В000302

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Віцебская вобласць, Віцебскі раён, в. Старое Сяло

Датаванне

III - IV стст. н.э.

Апісанне

Гарадзішча перыяду ранняга жалезнага веку знаходзіцца ля в. Старое Сяло. З’яўлялася ўмацаваным паселішчам носьбітаў днепра-дзвінскай культуры. Датуецца III – IV стст. н.э.

Гарадзішча ўпершыню ўзгадваецца А.П. Сапуновым у 1893 г. у кнізе “Река Западная Двина”. У 1928 г. даследаваў А. М. Ляўданскі. У 1972 г. абследавалі Г.В. Штыхаў, у 1981 г. - Л.У. Калядзінскі. Падчас даследаванняў былі знойдзены ляпны гладкасценны і штрыхаваны посуд, 2 жалезныя нажы, фрагмент жалезнай дужкі, косці жывёл.

У 2000-2001 гг. гарадзішча даследаваў П.М. Падгурскі. Былі знойдзены бронзавае кальцо, жалезны бранзалет, 2 брытвы, 2 нажы, кельт, касцяны гарпун, шпілька, гліняныя грузікі, прасліцы, фрагменты ляпной керамікі днепра-дзвінскай культуры і культуры позняй штрыхаванай керамікі. Таксама былі выяўлены рэшткі 4 жытлаў зрубна-слупавай канструкцыі.