Гарадзішча перыяду ранняга жалезнага веку
Гарадзішча перыяду ранняга жалезнага веку
Змест
Звесткі аб каштоўнасці
Шыфр
613В000159
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
V стагоддзе да н.э. – V стагоддзе н.э.
Апісанне
Гарадзішча перыяду ранняга жалезнага веку ў аг. Грозава знаходзіцца за 0,3 км на паўднёвы захад ад аграгарадка (ад школы), справа ад дарогі ў вёску Гарнастаева, на правым беразе ручая (былой рэчкі) Ужанка, на мысе (у залежнасці ад месца ўзвядзення ўсе гарадзішчы на Беларусі тыпалагічна падзяляюць на ўзгоркавыя, мысавыя і балотныя). Злева ад дарогі, насупраць гарадзішча, стаіць электрападстанцыя. Пляцоўка памерам 55 х 80 м умацавана па перыметры валам вышынёй да 2 м, а з паўночна-заходняга боку і ровам глыбінёй 1 м.
Вядома з 1873 года. Гарадзішча абследаваў у 1979 г. і 1985 г. Міхаіл Фёдаравіч Гурын, беларускі археолаг, гісторык, доктар гістарычных навук (1991). Раскопкі не праводзіліся. У выданні 1987 г. “Збор помнікаў гісторыі і культуры Беларусі” у артыкуле, прысвечаным гарадзішчу ў Грозаве, М.Ф. Гурын дае звесткі, што вал з паўднёвага боку разбураны. У 2006 г. гарадзішча перыяду ранняга жалезнага веку было абследавана навуковым супрацоўнікам Інстытута гісторыі НАН Беларусі Ільюцік А.У. разам з прадстаўніком РУП “Белгеадэзія” Казляк В.Л. згодна дамовы паміж Міністэрствам культуры Рэспублікі Беларусь і унітарным прадпрыемствам “Праектрэстаўрацыя” аб правядзенні інвентарызацыі археалагічных аб’ектаў, якія ўключаны ў Дзяржаўны спіс гісторыка-культурных каштоўнасцей РБ. Згодна справаздачы навуковага супрацоўніка Інстытута гісторыі НАН Беларусі Ільюцік А.У. вал гарадзішча з паўднёвага боку разбураны.
Доступ да аб'екта