Гарадзішча перыяду ранняга жалезнага веку
Гарадзішча перыяду ранняга жалезнага веку
Змест
Звесткі аб каштоўнасці
Шыфр
613В000356
Катэгорыя каштоўнасці
Тып каштоўнасці
Падтып каштоўнасці
Месца знаходжання
Мінская вобласць, Мінскі раён, в. Збаровічы, 0,5 км на паўднёвы ўсход ад вёскі
Датаванне
I – IV стст.
Апісанне
Гарадзішча перыяду ранняга жалезнага веку (мясцовая назва Выспа) знаходзіцца на левым беразе ракі Гуйка на ўзгорку. Пляцоўка памерам 50х30 м моцна пашкоджана ў заходняй частцы. З усходняга і паўночнага бакоў прасочаны рэшткі вала.
Помнік адкрыў у 1912 г. А.К. Снітка, даследаваў у 1951, 1952, 1958 гг. А.Р. Мітрафанаў. Падчас даследаванняў былі выяўлены рэшткі 2 шматкамерных жытлаў слупавой канструкцыі, падзеленых на 5 памяшканняў. У 4 памяшканнях выяўлены авальныя і круглыя агнішчы з пласта пяску, абкладзенага валікам гліны з умазанымі камянямі. На пляцоўцы і ўнутры жытлаў было больш як 20 ям-паграбоў авальнай і круглай формы. Знойдзена абвугленае зерне пшаніцы, фрагменты рабрыстых гаршкоў і слоікападобных пасудзін, упрыгожаных зашчыпамі па рабры і наразнымі лініямі паміж верхнім краем і рабром пасудзін, акулярападобная і трапецыпадобная падвескі, кіяпадобная шпілька, бронзавыя ўпрыгожванні.
Насельніцтва, якое пакінула гарадзішча, належала да культуры штрыхаванай керамікі. Агульная датаванне помніка - І ст. н.э. - IV ст. н.э.
Доступ да аб'екта