Адпраўлена!

Памылка!

Гарадзішча перыяду ранняга жалезнага веку

Цiкавае

Змест

Звесткі аб каштоўнасці

Шыфр

213В000427

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Віцебская вобласць, Докшыцкі раён, в. Беразіно, Бярэзінскі

Датаванне

ІІІ - IV стст.

Апісанне

Гарадзішча знаходзіцца на паўднёвы-ўсход ад в. Беразіно, на ўзгорку вышынёй 17—18 м першай надпоймавай тэрасы правага берага р. Бярэзіна. Пляцоўка роўная, крыху выпуклая ў сярэдзіне, мае нахіл у паўночна-ўсходні бок.

З поўдня, паўднёвага-захаду і паўднёвага-ўсходу ўмацавана валам і ровам. Вышыня вала з напольнага боку не перавышае 0,7—0,8 м, з боку рова — 1,2—1,3 м. З паўночнага і паўночна-ўсходняга бакоў схілы гарадзішча стромкія і высокія, у тых месцах, дзе праходзяць вал і роў, не вышэй за 4—5 м. Адносіцца да культур штрыхаванай керамікі і днепра-дзвінскай. Датуецца ІІІ-IV стст. н. э.

Пасяленне вядома з 1924 г. Абследаваў у 1971 г. А. Р. Мітрафанаў. Была знойдзена ляпная кераміка (гладкасценная і штрыхаваная) жалезнага веку. Выдзелены два тыпа посуду: баначныя і слабапрафіляваныя. Выяўлены таксама шлак, кальцыніраваныя косці, гліняныя праселкі, жалезныя серп і шыла, касцяная праколка. Серп мае выгнутую пад тупым вуглом спінку, што характэрна для днепра-дзвінскай культуры.