Гарадзішча перыяду ранняга жалезнага веку

Гарадзішча размешчана на правым беразе р. Бярэзіна, пры ўпадзенні ў яе ручая, ва ўрочышчы Гарадок, паміж вёскамі Чыжаха (0,2 км) і Бычын (0,3 км). Вышыня над поймай каля 10 м. Пляцоўка памерам 110 на 102 м, умацавана 2 дугападобнымі валамі вышынёй да 2 м і равамі глыбінёй 2,5 м. У паўднёвай частцы пляцоўкі вал моцна разбураны, на краях захаваліся рэшткі траншэй часоў Вялікай Айчынай войны. Вядома з 1893 г. Абследавалі ў 1929-1930 гг. І.Р. Калодкін і М.М. Канвісороў, у 1931 г. А.М. Ляўданскі, у 1963 г. Л.Д. Поболь, у 1979 г. Т.С. Бубенька. У 1990 і 1991 гг. А.У.Ільюцік даследавала 176 м2.