Адпраўлена!

Памылка!

Гарадзiшча перыяду ранняга жалезнага веку

Цiкавае

Змест

Звесткі аб каштоўнасці

Шыфр

313В000624

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Гомельская вобласць, Рагачоўскі раён, в. Збароў, 1 км на ўсход ад вёскі

Датаванне

2-е тыс. да н.э. – 1-е тыс. н.э.

Апісанне

Гарадзішча мысавага тыпу знаходзіцца ў 1 км ад вёскі, на левым беразе Дняпра. Пляцоўка ўзвышаецца над летнім межанным узроўнем вады ў рацэ на 17-18 м. З заходняга і паўднёва-заходняга бакоў умацавана валам і ровам.

Пасяленне вядома з 1873 г. Яго абследавалі ў 1931 г. А.М. Ляўданскі, у 1976 г. А.Р. Мітрафанаў, ў 1967-68 гг. даследавала Г.Ф. Салаўёва.

Падчас даследаванняў былі выяўлены 3 розначасовыя культурныя гарызонты: перыяду Кіеўскай Русі, ранняга жалезнага веку і эпохі бронзы. Была знойдзена ляпная кераміка ранняга жалезнага (мілаградская культура) і бронзавага вякоў, кераміка ХІІ-ХІІІ стст., шкляныя бранзалеты і пацеркі, крэсівы, жалезныя нажы, кольцы, замкі, ключы, цвікі і інш. Выяўлены таксама гаспадарчыя ямы ХІ-ХІІІ стст. і ранняга жалезнага веку, рэшткі жытла зрубнай канструкцыі (ХІІ-ХІІІ стст.) і ямы ад слупоў.