Гарадзішча перыяду ранняга жалезнага веку

Знаходзіцца на адлегласці 1,5 км на паўночны-ўсход ад вёскі Мінтурова каля 100 м на поўдзень ад дарогі, якая ідзе ўздоўж паўночнага боку возера Стоўбцы, паміж дарогай і берагам возера, непадалёк ад былой вёскі Стоўбцы. Мясцовая назва Чорная гара. Даследаваў у 1965 і 1973Г. В. Штыхаў, у 1988 Г. М. Семянчук. Пляцоўка авальная, памер 60х40 м. З поўначы, захаду, паўночнага ўсходу і паўднёвага захаду ўмацавана валам выш. 3-4 м і ровам, з астатніх бакоў - балота. Культурны пласт ад 0,4 да 1 м. Знойдзены ляпная гладкасценная і штрыхаваная кераміка, жалезная шпілька посахападобнай формы з навершам. На паўночны-ўсход ад гарадзішча-1 на адлегласці 0.2 км з другога боку дарогі размешчана гарадзішча-2. Пляцоўка гарадзішча памерам 50 х 25-30 м. Часткова захаваўся вал (да 3 м) і роў (шырыня 2-6 м). Культурны пласт спецыялістамі не зафіксаваны (магчыма, гарадзішча-сховішча).