Адпраўлена!

Памылка!

Гарадзішча перыяду ранняга жалезнага веку

Цiкавае

Змест

Звесткі аб каштоўнасці

Шыфр

213В000429

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Віцебская вобласць, Докшыцкі раён, в. Бірулі

Датаванне

ІІІ-ІІ стст. да н.э. - IV-V стст. н. э.

Апісанне

Гарадзішча знаходзіцца на поўдзень ад паўднёвай ваколіцы вёскі Бірулі, справа ад грунтовай дарогі, у лесе.

Пляцоўка роўная, авальнай формы, памерам 56 х 48 м. З усходняга і паўднёва-ўсходняга бакоў да яе прымыкае вялікае, месцамі забалочаная пойма воз. Медзазол. З напольнага, паўночнага, боку ўмацавана 3 валамі і ровам. Унутраны вал дугападобны, шырынёй каля падэшвы 7 м, вышынёй 0,6-0,7 м. Два вала з паўночна-заходняга і паўночна-ўсходняга бакоў маюць вышыню 1,5-2 м і шырыню 10-12 м. На вяршыні ўзгорка валы канцамі заходзяць адзін за адзін і ўтвараюць своеасаблівы калідор, які, верагодка, быў уваходам. Паміж пляцоўкай і валамі выкапаны роў глыбінёй 2,3 м, шырынёй 12-13 м. Адносіцца да культуры штрыхаванай керамікі. Датауецца ІІІ - ІІ стст. да н.э. - IV-V стст. н. э.

Помнік археалогіі ў 1938-1939 гг. абследавалі А. Цэгак-Галубовіч і У. Галубовіч, у 1971 г. А.Р. Мітрафанаў. Былі знойдзены абломкі штрыхаванага посуду, кавалкі жалезнага жужалю, перапаленыя камяні.

У 2011 г. даследавала Харытановіч З.А. Была знойдзена грубаляпная кераміка штрыхаваная і гладкасценная, шлак.