Адпраўлена!

Памылка!

Гарадзішча перыяду ранняга жалезнага веку

Цiкавае

Змест

Звесткі аб каштоўнасці

Шыфр

213В000588

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Віцебская вобласць, Пастаўскі раён, в. Галбея, 0,5 км на поўдзень ад вёскі, на правым беразе р. Галбея

Датаванне

V ст. да н.э. - V ст. н. э.

Апісанне

Гарадзішча (мясцовая назва “Гарадзец”) знаходзіцца на ўсход ад паўднёвага краю в. Галбея (месца зліцця вёсак Галбея і Гута), на правым беразе ракі, на ўзгорку паўночна-заходняга берага воз. Галбея. Пляцоўка круглай формы, умацавана валам вышынёй да 2,5 м, шырынёй да 9 м. З захаду, поўначы і ўсходу на адлегласці 10 м ад першага ёсць другі вал. За ім захаваліся сляды рова. Датуецца Х-ХІ стст.

Гарадзішча выявіў у канцы ХІХ ст. Ф.В. Пакроўскі, абследавалі ў 1938 г. А. Цэгак-Галубовіч і У. Галубовіч, у 1972 г. Я.Г. Звяруга, у 1992 г. - А.В. Квяткоўская. У 1998 г. на гарадзішчы правёў раскопкі Э. Зайкоўскі. Былі выяўлены некалькі буйных ямаў i мноства дробных. У буйных ямах было знойдзена шмат вуголля, у адной з іх - кавалкі кальцыніраванай косткі. Знойдзены шматлікія фрагменты ганчарнай непаліванай керамікі, рэшткі жалезных прылад, косткі жывёл (дзіка, свінні, буйной рагатай жывёлы і інш.).