Адпраўлена!

Памылка!

Гарадзішча перыяду ранняга жалезнага веку

Шыфр

313В000117

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Гомельская вобласць, Брагінскі раён, в. Пасудава, с/с Калыбанскі, 2,3 км на паўночны захад ад былой вёскі, 1,65 км на ўсход ад вусця канала Грубчанскага, 1,78 км на поўнач ад чыгуначнага моста праз р. Несвіч, на левым беразе р. Несвіч і левым беразе яе прытока пасярод балота ва ўрочышчах Куркова, Гарадок

Датаванне

1-е тысячагоддзе да н. э.

Апісанне

Гарадзішча знайшоў І. Х. Юшчанка ў 1929 г. на левым беразе р. Несвічы ва ўрочышчы Куркова ў лесе, у 3 км на поўнач ад вёскі. У 1975 г. помнік апісаў В. Е. Собаль: “Балотнага тыпу сярод забалочанага поплаву ў лесе ў 4 км на поўнач ад вёскі ва ўрочышчы Куркова. Мясцовая назва Гарадок. Форма авальная. Пляцоўка абнесена валам вышынёй да 2 м, шырынёй 10-12 м. Яе памеры з поўначы на поўдзень 90 м, з захаду на ўсход 130 м. Культурны слой ў цэнтры пляцоўкі 10-15 см, каля вала 15-20 см, густа-чорны з ляпной керамікай. Гарадзішча густа парасло мелкім лесам і кустарнікам. Прыкмет селішча побач не выяўлена.” Захаванасць добрая. Інфармацыя пра гарадзішча ёсць у археалагічнай карце Л. Д. Побаля, Г. В. Штыхава, зборы помнікаў 1985 г.