Гарадзішча перыяду ранняга жалезнага веку

Гарадзішча вядома з канца XIX ст. У 1964 г. помнік абследаваў Л.Д. Побаль, у 1974 г. Я.Г. Рыер, у 1993 г. В.Ф. Капыцін, у 2021 г. А.В. Вараненка і А.У. Астаповіч. 

У 1964 г. Л.Д. Побалем у паўночнай і цэнтральнай частцы пляцоўкі было закладзена два шурфы. У культурным пласце, магутнасцю да 0,3 м, выяўлены фрагменты грубаляпной керамікі, гладкасценнай і са штрыхоўкай, шэрага і цёмна-карычневага колеру, частка мілаградскай пасудзіны, абпаленыя камяні. 

Пры абследаванні помніка А.В. Вараненкам у 2021 г. у агаленнях валоў і пляцоўкі была сабрана невялікая калекцыя крэмяню, абломкаў ляпнога і ганчарнага посуду.