зваротная сувязь
Калі вы заўважылі недакладнасць, ці маеце пытанне - лістуйце:
Гарадзішча перыяду ранняга жалезнага веку
Шыфр
213В000277
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
V ст. да н.э. - ІV ст. н.э.
Апісанне
Гарадзішча знаходзіцца на паўднёвы захад ад вёскі ва ўр. Шалыгі. Пляцоўка ўмацавана падковападобным (амаль кальцавым) валам і ровам глыбінёй 1,5-2 м. Пляцоўка моцна зарасла лесам. На ўсход ад гарадзішча праз невялікае балотца размешчаны старыя могілкі.
Уваход на гарадзішча з паўднёвага боку. Мясцовая назва “Царкавішча”. Яшчэ ў пачатку ХХ ст. у паўночнай частцы гарадзішча стаяла царква, ад якой захаваліся фрагменты падмуркаў і шмат валуноў, і могілкі пры ёй з каменнымі крыжамі. У 1990-я гг. могілкі пашкоджаны незаконнымі раскопкамі.
Згодна са “Зборам помнікаў гісторыі і культуры” гарадзішча ля вёскі Дрыколле абследавалі ў 1955 г. Л.В. Аляксееў (у справаздачы ўзгадкі пра гэта не знойдзена), у 1972 г. Г.В. Штыхаў, у 1981 г. Л.У. Калядзінскі. Раскопкі не праводзіліся. У 1990-я гг. гарадзішча аглядалі П.М. Падгурскі і Т.С. Бубенька.
Сартаваць па