Адпраўлена!

Памылка!

Гарадзішча перыяду ранняга жалезнага веку

Цiкавае

Змест

Звесткі аб каштоўнасці

Шыфр

313В000380

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Гомельская вобласць, Калінкавіцкі раён, аг. Казловічы, размешчана на паўднёвы ўсход ад аг. Казловічы, сярод балота ва ўрочышчы Акоп

Датаванне

1-е тыс. да н.э. - 1-е тыс. н.э.

Стыль

Найбольш ранні перыяд "зодчества" старажытнага часу звязаны з узнікненнем гарадзішчаў і селішчаў, што абумоўлена, у першую чаргу, развіццём земляробства і жывёлагадоўлі. Пры ўзвядзенні гарадзішчаў старажытнае насельніцтва ўлічвала натуральныя ўмовы рэльефу, а таксама, узводзіла ўмацаванні, якія складаліся з валоў і равоў, пабудаваных з выкарыстаннем натуральных матэрыялаў - зямлі, гліны, дрэва, камянёў. Тыпалагічную характарыстыку гарадзішча складаюць наступныя фактары: форма, выгляд абарончых збудаванняў і суадносіны іх асобных элементаў; дасканаласць і адпаведнасць пэўным баявым задачам

Апісанне

Гарадзішча перыяду ранняга жалезнага веку знаходзіца на паўднёвы захад ад аг. Казловічы, на левым беразе р. Іпа, ва ўрочышчы Акоп. Гарадзішча авальнае, падзелена перамычкай-валам на 2 пляцоўкі, абнесеныя 2 валамі, паміж якімі прасочаны роў. Вышыня вонкавага вала 1,5 м, шырыня 7-8 м, вышыня ўнутранага -- 2,5 м. Адносіцца да гарадзішчаў-сховішчаў балотнага тыпу. Належала мілаградскай культуры. Верагодна, яно выкарыстоўвалася і пазней, магчыма насельніцтвам зарубінецкай культуры. Датуецца І тыс. да н.э. - І тыс. н.э. Таксама тут была выяўлена кругавая кераміка Х-ХІ ст.

Помнік вядомы з 1924 г. Абследаваў і зняў план гарадзішча ў 1975 г. В.Я. Собаль. У 2017 г. гарадзішча агледзела А.Ф. Касюк.