Адпраўлена!

Памылка!

Гарадзішча перыяду ранняга жалезнага веку

Цiкавае

Змест

Звесткі аб каштоўнасці

Шыфр

613В000483

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Мінская вобласць, Нясвіжскі раён, аг. Аношкі, 0,8 км на паўночны ўсход ад вёскі, урочышча Гарадзішча

Датаванне

I - V ст. да н.э. - V ст. н.э.

Апісанне

Гарадзішча каля аграгарадка Аношкі ўзнікла на вяршыні марэннага пагорка. Яго пляцоўка ўзвышаецца над навакольнай мясцовасцю на 5-6 м. Пляцоўка амаль авальная ў плане памерамі 100 х 80 м (па іншых звестках, 117 х 80м).

Упершыню Аношкаўскае гарадзішча апісаў У.А. Астапаў у 1951 – 1952 гг. У 1964 г. даследаваў Л.Д. Побаль, заклаўшы 2 невялікія шурфы (0,5х0,5 і 0,6х0,6 м) у цэнтры і заходняй частцы пляцоўкі гарадзішча. Магутнасць культурнага пласту складала 0,5 м. Была выяўлена штрыхаваная і гладкасценная кераміка, шлак, гліна.

Э.М. Зайкоўскі заклаў на гарадзішчы 2 раскопы агульнай плошчай 116 м2. Адзін раскоп памерам 4х4 м быў закладзены ў паўночнай частцы пляцоўкі каля вала. Магутнасць культурнага пласту вагалася ад 0,25 да 0,41 м. Быў выяўлены толькі ляпны посуд.

В.С. Пазнякоў, са спасылкай на навукоўцаў, датуе гарадзішча ІІІ – V стст. н.э. Падобна, што гарадзішча выкарыстоўвалася ў познім сярэднявеччы. Падчас раскопак археолагі натрапілі на адно пахаванне паводле хрысціянскага рытуалу. Нябожчык ляжаў на спіне галавой на захад, рукі былі складзены на грудзях. Верагодна, тут знаходзіліся могілкі.