Гарадзішча перыяду ранняга жалезнага веку

Займае паўночную частку высокага марэннага астанца. Пляцоўка авальная, памерам 74 х 30 м. З паўночнага і паўднёвага бакоў умацавана 2 валамі вышынёй каля 2 м. Гарадзішча здзірванела, зарасло лесам. Помнік выявіў у 1972 г. П. Ф. Лысенка. У 2002 - 2006 гг. раскопкі правёў П. М. Падгурскі. Ускрыта 570 квадратных метраў плошчы. Знойдены рэшткі жылой наземнай пабудовы, ляпная кераміка, гліняныя праселкі, шкляная пацерка, жалезныя булаўкі, фібулы, фрагменты ляза сякеры, рыбалоўны кручок, нажы, сярпы, сашнік, наканечнікі стрэл, рэчы з косці, рога і кожы. Помнік адносіцца да жалезнага веку (днепра-дзвінская культура).