Адпраўлена!

Памылка!

Гарадзішча перыяду ранняга жалезнага веку (урочышча Шведская гара)

Цiкавае

Змест

Звесткі аб каштоўнасці

Шыфр

313В000052

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Гомельская вобласць, г. Гомель, 0,3 км на паўднёвы ўсход ад перакрыжавання вуліц Карбышава і Дзянісенкі на тэрасе правага берага р. Сож

Датаванне

VI - II стст. да н.э.

Апісанне

Гарадзішча знаходзіцца на правым беразе р. Сож, на паўднёвы-ўсход ад перакрыжавання вул. Карбышава і Дзянісенкі Савецкага раёна г. Гомеля, непадалёк ад зоны будаўніцтва мікрараёна №59 “Шведская горка”.

Пляцоўка гарадзішча ў плане набліжаецца да трохкутнай. З боку поля была ўмацавана 3 валамі вышынёй ад 1,5 да 2 м. Часткова захаваўся толькі першы ўнутраны вал. Датуецца VI - II стст. да н. э., адносіцца да мілаградскай культуры ранняга жалезнага веку, узнікла на месцы паселішчаў перыяду неаліту і бронзавага веку.

Помнік вядомы з канца ХІХ ст. У ранняй гістарыяграфіі гарадзішча вядома як Любенскае - побач з ім размяшчалася в. Любны (у межах г. Гомеля з 1934 г.). У навуковы зварот помнік увайшоў па выніках апытання 1873 г. і першага абследавання, праведзенага на рубяжы ХІХ - ХХ стст. Е. Р. Раманавым.

Даследавалі ў 1925 І.Х. Юшчанка, у 1928 г. К.М. Палікарповіч, у 1936 г. А.М. Ляўданскі і А.Д. Каваленя, у 1977-78 гг. У.І. Сычоў. Былі выяўлены рэшткі жытлаў, агнішчаў. Знойдзена неалітычная кераміка, крамянёвыя скрабкі, сякеры і інш.

Вывучэнне вала дазволіла адзначыць 3 этапы яго будаўніцтва. На першым этапе была ўзведзена драўляная агароджа, на другім - насыпаны земляны вал з драўлянай сцяной на яго вяршыні і выкапаны роў. З апошнім этапам звязана перабудова ўмацаванняў, пад час якой была ўсталявана сістэма абароны з трох напольных дугападобных валоў і двух ірвоў.