Адпраўлена!

Памылка!

Гарадзішча ранняга сярэднявечча, селішча перыяду сярэднявечча

Цiкавае

Гарадзішча Талькаўшчына-1. Выгляд гарадзішча (фотаздымак з захаду)

Змест

Звесткі аб каштоўнасці

Шыфр

413В000578

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Гродзенская вобласць, Слонімскі раён, в. Талькаўшчына, 1 км на ўсход ад вёскі

Датаванне

VІ-VІІІ стст., Х-ХІІІ стст.

Апісанне

Гарадзішча. Вышыня над поплавам ракі - 24 м. Пляцоўка няроўная, эліпсападобнай формы, выцягнута з захаду на ўсход. З усіх бакоў гарадзішча акружана валам рознай вышыні. Пляцоўка гарадзішча ледзь заўважным ровам падзелена на дзве часткі - заходнюю і ўсходнюю. На паўночным схіле гарадзішча, паміж пляцоўкай і валам, знаходзіцца значнае паглыбленне, якое заканчваецца калодзежам. Схілы і пляцоўка параслі ляшчынай і дрэвамі. Датуецца VІ-VІІІ, Х-ХІІІ стст.

Гарадзішча было выяўлена ў 1895 г. Ф. В. Пакроўскім. Абследавалася ў 1951 г. А.Г. Мітрафанавым, у 1955 г. Ф. Д. Гурэвіч, у 1963-1964 гг. В.Р. Супруном, у 1973 і 1974 гг. Л.Д. Побалем, у 1979 г. В.С. Вяргей. На помніку падчас шурфоўкі была знойдзена ляпная і кругавая кераміка, крамянёвыя вырабы і косткі жывёл.

У 2011 г. сучасны стан помніка абследавалі В.Л. Лакіза, М.І. Ткачова, З. А. Харытановіч.

Селішча знаходзіцца з паўднёвага боку гарадзішча Талькаўшчына-1, на ўсход ад паўночнай часткі вёскі, у правабярэжжы р. Шчара. Тэрыторыя помніка разворваецца. Адносіцца да ранняга жалезнага веку і эпохі Кіеўскай Русі.

Помнік абследавалі ў 1963 г. В. Р. Супрун, у 1974 г. Л. Д. Побаль. Падчас даследаванняў была сабрана ляпная і ганчарная кераміка, шлакі, жалезная падкоўка.