Гарадзішча ранняга сярэднявечча, селішча перыяду сярэднявечча

Гарадзішча. Вышыня над поплавам ракі - 24 м. Пляцоўка няроўная, эліпсападобнай формы памерамі 115 х 45 м., выцягнута з захаду на ўсход. З усіх бакоў гарадзішча акружана валам рознай вышыні. Пляцоўка гарадзішча ледзь заўважным ровам падзелена на дзве часткі - заходнюю і ўсходнюю. На паўночным схіле гарадзішча, паміж пляцоўкай і валам, знаходзіцца значнае паглыбленне, якое заканчваецца калодзежам. Схілы і пляцоўка параслі ляшчынай і дрэвамі. Культурны слой на помніку да 0,5 м. Прыкладны памер гарадзішча да 0,4 га (115 м. на 45 м. па лініі ПнУУ-ПдЗЗ,  ПнПнЗ-ПдПдУ).

Селішча знаходзіцца з паўднёвага боку гарадзішча Талькаўшчына-1, на ўсход ад паўночнай часткі вёскі, у правабярэжжы р. Шчара. Тэрыторыя помніка разворваецца. Прыблізная плошча селішча да 5,5 га (410 м. на 170 м. па лініі ПнУУ - ПдЗЗ, ПнПнЗ - ПдПдУ).