Гарадзішча Вал

Замак - комплекс абарончых збудаванняў 11-17 стст. Замак размяшчаўся на беразе р. Свіслач, на паўночнай ускраіне старой часткі горада (паміж сучаснымі вуліцамі Паштовай і Рабочай), у месцы дзе рака цячэ па балоцістай нізіне і найбольш блізка падыходзіць да ўзвышша, на якім знаходзіцца горад. Сярод мясцовага насельніцтва вядомы пад назвай Вял. Замкавы палігон плошчай каля 1,5 га. Мае форму чатырохвугольніка (188х166х90х60 м). Першапачатковыя ўмацаванні ўзведзены на рубяжы 11-12 стст.