Адпраўлена!

Памылка!

Гарадзішча

Цiкавае

Змест

Звесткі аб каштоўнасці

Шыфр

213В000174

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк археалогii В

Падтып каштоўнасці

Гарадзiшча

Месца знаходжання

Віцебская вобласць, Браслаўскі раён, г. Браслаў, у цэнтры горада, на перашыйку паміж азёрамі Дрывяты і Навята, на Замкавай гары (14м)

Датаванне

IX ст.

Апісанне

Гарадзішча размешчана ў вельмі зручным месцы - на вузкім перашыйку паміж азёрамі Дрывяты і Навята. Гэта высокі (да 14 м) пагорак прыроднага паходжання, хоць у некаторых краязнаўчых крыніцах сустракаюцца звесткі аб тым, што гapa насыпная. Значнай з’яўляецца плошча гарадзішча — 200x100 м. Вышыня гары 14 м. З усiх бакоў было абкружана валам (захавалiся рэшткi) вышынёй 3-9 м.

Раскопкі ў 1955-56 гг. праводзіў Л.В. Аляксееў, абследавала ў 1981 г. Л.У. Дучыц. Ніжні гарызонт датуецца ІХ-Х стст. У ім знойдзена ляпная кераміка. Раскопкі падцвердзілі, што горад узнік на месцы паселішча латгалаў і крывічоў. Сярэдні гарызонт адносіцца да ХІ-ХІІ стст. Выяўлены рэшткі драўляных пабудоў. Сярод знаходак - прасліцы, нажы, крэсівы, пісалы, бронзавыя бранзалеты і пярсцёнкі, шкляныя пацеркі, шмат касцей жывёлы, зерне жыта, ячменю, аўса. Унікальнай знаходкай з’яўляецца так званы “лічман” – жэтон для лічэння. Падобныя жэтоны выкарыстоўваліся ў Еўропе, у тым ліку і ў Рэчы Паспалітай, да XVIІІ ст. у купецкіх і банкаўскіх аперацыях. Сярод нумізматычных знаходак выяўлена таксама манета канца XІV ст., так званая “кейстутоўка”.

Сярэдні гарызонт адмежаваны ад ніжняга рэшткамі пажарышча. Верхні гарызонт датуецца ХІІІ - пачаткам XV ст. Знойдзены наканечнік стралы, ключы ад замкоў, шмат глінянага посуду розных тыпаў.

На сённяшні дзень у цэнтры гарадзішча знаходзіцца памятны знак у гонар заснавання горада. На ім умацавана бронзавая дошка з выявай герба горада і датай заснавання Браслава.