зваротная сувязь
Калі вы заўважылі недакладнасць, ці маеце пытанне - лістуйце:
Грамадскі свіран з в. Касарычы Глускага раёна Магілёўскай вобласці
Шыфр
612Г000381
Катэгорыя каштоўнасці
Тып каштоўнасці
Падтып каштоўнасці
Месца знаходжання
Мінская вобласць, Мінскі раён, аг. Азярцо, тэрыторыя ўстановы «Беларускі дзяржаўны музей народнай архітэктуры і побыту»
Датаванне
сяр. XIX ст.
Апісанне
Грамадскі свіран у в. Касарычы з'яўляецца тыповым прыкладам збудаванняў такога тыпу. Па планіроўцы ён адносіцца да тыпу магазінаў са скразным праездам. Два ярусы бэлек злучаюць два працяглых зрубных блока і служаць апорнай сістэмай для крокваў чатырохсхільнага даху з заломам у ніжняй частцы. Зруб пастаўлены на стужкавы падмурак, падоўжныя бакі якога загнуты ўверх. У пабудове наяўныя як архаічныя рысы народнага дойлідства (вугал са схаваным шыпам, "у ахрапку", гідраізаляцыя з бяросты), так і стылёвыя элементы, запазычаныя з мураванай архітэктуры (двухступеньчаты карніз, дробнапрафіляваеыя накладкі, ашаляваныя вароты, залом даху).
Грамадскі свіран (магазін) з в. Касарычы пабудаваны сумесна жыхарамі некалькіх суседскіх вёсак (Касарычы, Заракуша, Замасточча) з’яулялся уласнасцю не Мінскай, а валасной абшчыны. Памеры свірана дазваляюць уявіць, што ў ім захоўваўся рэзервовы запас зярна, разлічаны на большую колькасць двароў, чым налічвалася ў адной мірскай абшчыне. Такім чынам пабудова прызначалася для захоўвання грамадскага фонда збожжа на выпадак неўраджаю або іншага стыхійнага бедства.
Сартаваць па