Грунтавы могільнік
Шыфр
513В000103
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
VI ст. н.э. - ІХ ст. н.э.
Апісанне
Грунтавы могільнік каля вёскі Чырвоны Агарод з’яўляецца матэрыяльным археалагічным і духоўным помнікам. Ён знаходзіцца на правым беразе р. Красная, за 0,7 км на захад ад вёскі, за 1,5 км на поўдзень ад шашы Бабруйск- Слуцк, за 200 м на ўсход ад селішча ранняга жалезнага веку і ранняга Сярэднявечча, на паўднёвай акраіне ўрочышча Селішча, на апушке лесу, у квартале 114.
Помнік мае вельмі важнае значэнне для вывучэння гісторыі Бабруйскага раёна, таму што раскопкі грунтавых могільнікаў даюць вельмі каштоўную гістарычную інфармацыю аб жыцці насельніцтва ў раннім сярэднявеччы, аб матэрыяльнай і духоўнай культуры, аб сувязях з блізкімі і далёкімі суседзямі, дазваляюць удакладніць межы рассялення славянскіх плямёнаў.