Ільінская царква
Ільінская царква
Змест
Звесткі аб каштоўнасці
Шыфр
213Г000129
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1913 – 1917 гг.
Стыль
Рэтраспектыўна-рускі
Апісанне
Будаўніцтва храма пачалося ў 1913 г. на землях князя Любамірскага. Па прычыне баявых дзеянняў Першай сусветнай вайны храм не ўдавалася асвяціць, таму што Ільінская царква “знаходзілася ў коле акопаў”. У сакавіку 1917 г. храм быў асвячоны. Царква адносілася да найбольш дэкарыраваных культавых збудаванняў на Аршаншчыне.
Царква пабудавана з чырвонай цэглы. Мае трох’ярусную званіцу. Галоўны ўваход выкананы ў выглядзе трохарачнага ганка. Фасады расчлянёны прамавугольнымі аконнымі праёмамі ў пластычных налічніках. Падлога выкладзена каляровай керамічнай пліткай, якая захавалася фрагментарна.
У 1930-я гг. царква была зачынена. Будынак быў прыстасаваны пад склад. Падчас Вялікай Айчыннай вайны акупацыйныя ўлады дазволілі праводзіць у храме службу.
У канцы чэрвеня 1944 г. у ходзе Віцебска-аршанскай аперацыі царква выступала абарончым збудаваннем, выконвала функцыю шматчасовай вогненнай лакацыі: унутры храма знаходзілася супрацьтанкавая гармата. На сценах выразна захаваліся сляды траплення снарадаў.
Пасля вызвалення Беларусі, з канца 1940-х гг. у царкве зноў размясціўся склад, а ў 1970-х гг. будынак быў перададзены ва ўласнасць прадпрыемства “Арэхаўскі льнозавод”. Перад гэтым з царквы былі зняты купалы.
На сённяшні дзень Ільінская царква знаходзіцца ў руініраванным стане.
Доступ да аб'екта
Доступ да аб'екта
Запыт аб допуску да карыстання рэсурсамі Банка звестак будзе накіраваны ў Міністэрства культуры. Міністэрства культуры прымае рашэнне аб прадастаўленні ці адмове ў прадастаўленні доступа да карыстання рэсурсамі Банка звестак, аб аб'ёме і паўнаце прадастаўляемай інфармацыі. Рашэнне прымаецца на працягу 10 дзён