Ільінская царква са званіцай

Сярод даследчыкаў няма адзінага меркавання адносна часу будаўніцтва царквы. Паводле архіўнага дакумента, царква, найбольш верагодна, была пабудавана ў 1773 г. косаўскай памешчыцай Марыяй Быстрынаю. На думку А. Кулагіна царква пабудавана ў першай палове ХІХ ст. па праекту архітэктара А. Лазінскага. Папярэдняя ўніяцкая царква існавала ў Бялавічах з 1630 г. Царква св. Ільі размешчана на ўскраіне вёскі, у старым парку, за мураванай агароджай. У 1902 г. быў праведзены капітальны рамонт царквы, у 1937 г. перакрыты дах. У Вялікую Айчынную вайну царква захавалася. У 1958 г. на сродкі абшчыны праведзены бягучы рамонт - спраўлены ўнутраныя сцены, пафарбаваны купал.