Інтэрнат № 3

Інтэрнат № 3 БНТУ (г.Мінск, пр. Незалежнасці, 63)

Чатырохпавярховы з падвалам П-падобны ў плане будынак сіметрычнай аб'ёмна-прасторавай кампазіцыі. Мае падобнае архітэктурнае рашэнне з інтэрнатам № 2. Разам яны ўтвараюць курданёр перад галоўным корпусам універсітэта. Фасады будынка падзелены цягай паміж 1-м і 2-м паверхамі, апрацаваны рустам. На галоўным фасадзе цэнтральная частка на ўзроўні 2-4-га паверхаў раскрапавана пілястрамі, завершана трохвугольным франтонам з круглай люкарнай у абрамленні з ляпным дэкорам.