зваротная сувязь
Калі вы заўважылі недакладнасць, ці маеце пытанне - лістуйце:
Юр'еўскі касцёл
Шыфр
112Г000062
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1751 г.
Стыль
Неаготыка
Апісанне
Касцёл св. Юрыя пабудаваны на пагорку, непадалёк ад былога палаца Радзівілаў.
Першы касцёл з дрэва быў пабудаваны ў 1751 г. па фундацыі біскупа Жалкоўскага, асвячоны ў 1759 г. У 1827 г. касцёл быў перабудаваны ўладальнікам Паланечкі князем Канстанцінам Радзівілам. У 1897 г. у чарговы раз рэканструяваны паводле праекта варшаўскага архітэктара К. Вайцяхоўскага. Пад час перабудовы храм пастаўлены на мураваныя падмуркі, значна павялічаны ў даўжыню, сцены звонку і ўнутры пафарбаваны, дах перакрыты гонтам.
Падлога ў касцёле была цэментная, столь падшыта дошкамі, пафарбавана светла-жоўтай фарбай. Галоўны алтар быў простай работы часткова ўпрыгожаны разьбой і пазалотай. З правага боку ад прэсбітэрыя знаходзіўся бакавы алтар Прасвятой Дзевы Марыі, з левага боку - алтар св. Антонія Падуанскага. Яшчэ адзін алтар знаходзіўся ў капліцы.
У 1855 г. з правага боку ад касцёла на мураваным падмурку была пабудавана званіца.
Сартаваць па