зваротная сувязь
Калі вы заўважылі недакладнасць, ці маеце пытанне - лістуйце:
Калекцыя самаробнай партызанскай зброі (60 адзінак)
Шыфр
721М000073
Катэгорыя каштоўнасці
Тып каштоўнасці
Месца знаходжання
г. Мінск, Цэнтральны раён, установа «Беларускі дзяржаўны музей гісторыі Вялікай Айчыннай вайны»
Датаванне
1941–1944 гады
Апісанне
Гісторыка-культурная каштоўнасць уяўляе сабой асобныя самаробныя ўзоры зброі. Для вырабу зброі выкарыстоўваліся розныя металічныя дэталі i фрагменты ад зброі, самалётаў, транспартных наземных сродкаў, гаспадарчых прылад, якія маглі знайсціся у вёсках, а таксама здабытыя партызанамі на дыверсіях супраць немцаў.
Самыя адказныя часткі зброі - наразныя адвалы здабываліся з кавалкаў ствалоў ад пашкоджанай i не працуючай завадской збpoi - вінтовак Mocінa, кулямётау ДП-27, ДТ-29 i іншых, якія мелі калібр 7,62 мм. Для вырабу затворнай рамы i крышкі – дэталі, унутры якой рухаецца затвор, выкарыстоўвалася любое ліставое жалеза таўшчынёй 0,8-1,2 мм. Гэта маглі быць патронныя скрыні, бензінавыя бочкі i інш. У некаторых выпадках маглі выкарыстоўвацца водаправодныя і іншыя стальныя трубы рознай таўшчыні. Затвор вырабляўся з цыліндрычных кавалкаў металу - часта гэта былі вoci ад узарваных аўта- i бронемашын. Спружыны, неабходныя для дзеяння аутаматыкі зброі, выраблялюя з самага рознага дроту - гэта маглі быць кавалкі дроту з аўтапакрышак, аплеткі сядзенняў самалёта, стропаў паветранага шара-радыязонда, збітага партызанамі і інш. Прыклады вырабляліся з металу, у тым выпадку, калі гэта быў складны прыклад, i з дрэва - для пастаянных.
Калекцыя партызанскай самаробнай збpoi невялікая па колькасці, але каштоўная сваёй эксклюзіўнасцю па разнастайнасці прадметаў. Кожная адзінка збpoi з’яўляецца рарытэтнай, ніводная не паўтарае іншую.
У калекцыі прадстаўлена праца 28 партызанскіх майстроў, якія рабілі сваю справу пад стрэлы ворага, у лясах ва ўмовах баявой дзейнасці. Каштоўнасць калекцыі ва унікальнай магчымасці прадставіць гісторыка-культурную інфармацыю аб маштабах майстэрства народных умельцаў, што магло праявіцца толькі пры ўмове ўсенароднай масавай партызанскай барацьбы. Яна выяўляе глубінныя пласты шматграннага партызанскага руху Беларуci, складу партызанскіх фарміраванняў i ix баявой дзейнасці.
Сартаваць па