зваротная сувязь
Калі вы заўважылі недакладнасць, ці маеце пытанне - лістуйце:
Калодзежны шацёр
Шыфр
213Г000171
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1924 - 1926 гг.
Стыль
Помнік традыцыйнага народнага дойлідства
Апісанне
Адным з цікавых элементаў комплексу жылых і адміністрацыйных будынкаў у Браславе (1924-1926 гг.) з’яўляецца шацёр над калодзежам, фотаздымкі якога даволі часта можна сустрэць у працах па архітэктуры.
Высокі, з плаўнымі лініямі контуру, шацёр пастаўлены на чатырох прафіляваных слупах
з падкосамі. Пачатковае ўмацаванне ствала калодзежа не захавалася. Аснова шатра ўтворана
скрыжаванымі бэлькамі, канцы якіх выступаюць і маюць фігурныя зрэзы. Пад дахам рытмічна выступаюць канцы верхняй абвязкі ў выглядзе фігурных кранштэйнаў. Дах завершаны востраканцовым прафіляваным шпілем. Першапачаткова шацёр быў накрыты дранкай і меў больш пластычны выгляд. Пры аднаўленні помніка ў канцы 1980-х гг. дранка заменена на пілаваную дошку, пастаўлены іншых памераў і прапорцый шпіль. Арыгінальны шпіль захоўваецца ў Браслаўскім гісторыка-краязнаўчым музеі.
Браслаўскі калодзежны шацёр - прыгожае прапарцыянальнае збудаванне. Ён адносіцца да ліку лепшых узораў помнікаў падобнага тыпу на тэрыторыі Беларусь.
Разглядаючы архітэктурную значнасць аб'екта трэба мець на ўвазе мастацкую вартасць самаго шатра.
Шацёр - помнік традыцыйнага народнага дойлідства, адзін з цікавых элементаў комплексу дзяржаўных дамоў у Браславе, які спраектаваў Ю. Клос. Комплекс пабудаваны ў так званым “закапанскім стылі”.
Сартаваць па