зваротная сувязь
Калі вы заўважылі недакладнасць, ці маеце пытанне - лістуйце:
Камень з выявамі і надпісамі
Шыфр
113В000423
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
ХІХ ст.
Апісанне
Камень з выявамі і надпісамі, якія магчыма адносяцца да XVII-XVIII стст., выяўлены ў цэнтры в. Дзямідаўшчына. Камень уяўляе сабой прамавугольную пліту шырынёй каля 30 см, таўшчынёй каля 15 см і вышынёй 130 см. Выкананы з гранадыярыту (шэрага граніту), амаль правільнай формы. Выявы выкананы з абодвух бакоў. З усходняга бока глыбока выбіта выява чатырохканцавога крыжа, існуюць рэшткі надпісаў лацінскімі літарамі. З заходняга боку відаць рэшткі фігурнай рамкі, у цэнтры якой добра праглядаецца стылізаваная манаграма таварыства езуітаў IHS, з-пад якой выява падобная да нейкай ягады, або сэрца. Ніжэй знаходзяцца надпісы лацінскімі літарамі, напэўна на лацінскай мове: "fundato ycalocy ncdc onzrg ondrej (далей не разборліва)". Сімвалы былі пазначаны жоўтай фарбай.
Па папярэдніх выніках помнік можна аднесці да XVII-XVIII стст. як езуіцкі або іншага каталіцкага ордэна. Камень мог выконваць функцыю межавога слупа тым больш, што ў крыніцах сустракаюцца звесткі аб зямельных уладаннях езуітаў, базыльян, бернардзінцаў на Кобрыншчыне.
Сартаваць па