Адпраўлена!

Памылка!

Каменны крыж

Цiкавае

Змест

Звесткі аб каштоўнасці

Шыфр

213Д000879

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк гiсторыi Д

Месца знаходжання

Віцебская вобласць, Пастаўскі раён, аг. Камаі

Датаванне

XV - XVI стст.

Апісанне

Камайскі каменны крыж знаходзіцца ў скверы насупраць касцёла Іаана Хрысціцеля. Адзін з найбольш вядомых і адметных на тэрыторыі Беларусі.

Крыж высечаны з маналітнага граніту-валуна (вышыня 2,5 м, шырыня 0,7 м, таўшчыня 0,6 м, шырыня па гарызантальнай папярочыне 1,88 м). Вертыкальная частка крыжа мае чатырохгранную форму. У сяродкрыжжы зроблена трохвугольная ніша. На тыльнай і часткова на фасаднай плоскасцях маюцца надпісы лацінскімі літарамі, значна пашкоджаныя. Пад нішай высечана кола дыяметрам каля 9 см, пад ім знак у выглядзе парасона. Пад нішай захавалася дата "R 1803". На паўночным баку крыжа ніжэй папярочыны захавалася літара "В". Надпісы не расшыфраваны. Ля падножжа крыжа на камені высечаны словы прысвячэнні.

Сярод навукоўцаў няма адзінага меркавання аб даце ўстаноўкі крыжа. На гэты конт існуе некалькі версій. Паводле адной версіі, крыж высечаны ў XV-XVI стст. Іншыя даследчыкі мяркуюць, што крыж быў пастаўлены адначасова з будаўніцтвам храма ў 1603-1606 гг. Мясцовыя краязнаўцы схіляюцца да думкі, што крыж устаноўлены да 200-годдзя пабудовы касцёла. Знешне крыж выглядае даволі архаічна ў параўнанні з падобнымі помнікамі. Таму, не выключана, што высечаны ён раней ХІХ ст.