Каменны могільнік перыяду позняга сярэднявечча

Помнік узнік у перыяд позняга сярэднявечча 14-16 стст. Звестак аб стваральніках могільніка няма.Тэрыторыя помніка – 36х50 м. Могільнік мае правільную прамавугольную форму. Паўночна-заходняя мяжа помніка і яго шырыня ўсталёўваюцца па рэшткам каменнай агароджы могільніка, якая добра бачна на паверхні, і знаходзіцца на адлегласці 24-27 м ад дарогі з в. Алешышкі ў в. Асаны. Паўднёва-ўсходняя мяжа знаходзіцца на адлегласці 50 м ад агароджы. У натуры гэта мяжа бачна толькі па невялікім скапленням хмызняку. Кустарнікавая расліннасць, а таксама невялікія павышэнні і ровікі за імі з’яўляюцца натуральнымі межамі могільніка з паўднёвага захаду і паўночнага ўсходу.