зваротная сувязь
Калі вы заўважылі недакладнасць, ці маеце пытанне - лістуйце:
Капліца
Шыфр
113Г000715
Катэгорыя каштоўнасці
Тып каштоўнасці
Падтып каштоўнасці
Месца знаходжання
Датаванне
1791 - 1794 гг.
Стыль
Барока
Апісанне
Мемарыяльная калона ў гонар Канстытуцыі 3 мая 1791 г. (прыдарожная капліца), што знаходзіцца ў в. Мінкавічы Камянецкага раёна - унікальны помнік архітэктуры барока XVIII ст., звязаны з гістарычнымі падзеямі, вераваннямі і перакананнямі, якія аказалі значны ўплыў на ход гісторыі, культурнага і духоўнага развіцця беларускага народа.
Калона (Капліца) уяўляе сабой мураваны (з цэглы) слуп пад шатровым дахам, пабудаваны ў барочным стылі, які ўсталяваны на мураваным прамавугольным п’едэстале. У верхняй частцы слупа - прамавугольная ніша, у якой размяшчаецца ікона Дзевы Марыі. Калона атынкавана і пафарбавана ў белы колер. Ля асновы слупа ідзе паўкруглы фрыз. Фрыз таксама праходзіць па акружнасці калоны на ўзроўні дзвюх трэціх яе вышыні. Шатровы дах зроблены з бляхі. Калону (Капліцу) вянчае купальны барочны крыж.
У цяперашні час тэрыторыя каля Калоны (Капліцы) агароджана тыпавой зборнасекцыйнай бетоннай агароджай з металічнымі веснічкамі.
У 2021 г. быў праведзены рамонт: папраўлена тынкоўка, пабелена, заменена састарэлая бетонная агароджа.
Сартаваць па