Капліца

Мураваная капліца ў в. Алянец Смаргонскага раёна, пабудаваная ў XIX ст. Капліца знаходзіцца ў цэнтры вёскі, з водступам ад дарогі. Абсаджана ліпамі. Капліца квадратнае ў плане,  вежападобнае збудаванне на цокалі, накрыта пакатым чатырохсхільным дахам. Пад дахам праходзіць прафіляваны карніз. Фасады патынкаваныя. Цокаль аформлены на галоўным фасадзе неглыбокай прамавугольнай нішай. Другі ярус капліцы прарэзаны вузкімі арачнымі аконнымі праёмамі. Усярэдзіне за шклом устаноўлена драўляная фігура Хрыста. Капліца з'яўляецца помнікам народнага дойлідства XIX ст.,  па сваіх архітэктурна-мастацкіх асаблівасцях адпавядае тыпу сакральнага збудавання, звязанага з гістарычнай спадчынай рэгіёна перыяду XIX стагоддзя.