Адпраўлена!

Памылка!

Капліца святога Яна Хрысціцеля

Цiкавае

Змест

Звесткі аб каштоўнасці

Шыфр

413Г000776

Катэгорыя каштоўнасці

аб'екты рэгіянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Гродзенская вобласць, Смаргонскі раён, в. Краснаазёрнае, 1 км на поўнач ад аграгарадка Вішнева, каля в. Краснаазёрнае, дарога Смаргонь-Свір, Р-95,

Датаванне

др. пал. XVIII ст.

Стыль

Позняе барока

Апісанне

Капліца святога Яна Хрысціцеля — мураваная прыдарожная капліца, знаходзіцца на ўзлеску на беразе Вішнеўскага возера каля вёскі Краснаазёрнае. Дакладная дата пабудовы капліцы невядома. Адны крыніцы падаюць XVIII ст., іншыя — пасля 1875 г.

Прадстаўляе сабой трох'ярусную, квадратную ў плане на першым і другім ярусе і васьмігранную на трэцім ярусе пабудову. Першы ярус цокальны, мае выгнутыя на вонак сцены з неглубокімі дэкаратыўнымі нішамі па адной на кожны бок. Другі асноўны ярус прадстаўлены ў выглядзе чатырох слупоў у плане складанай формы, аб’яднаных уверсе паўцыркульнымі аркамі са скляпеннем у прасторы паміж слупамі над невысокім пастаментам са скульпутрай. Трэці невысокі ярус васьмігранны ў плане, мае дэкаратыўны шатровы дах з майстэрскі выкаваным арыгінальным металічным крыжом.

Да 2021 г. капліца знаходзілася ў паўразбураным стане. Пасля 2021 г. капліца была адноўлена. У адрэстаўраваную капліцу змясцілі новую фігуру святога Яна, спецыяльна для гэтага зробленую з сучаснага матэрыялу.

У чэрвені 2021 г. адноўленая прыдарожная капліца была нанава асвечана ў гонар святога Яна Хрысціцеля.