Карпусы былога яўрэйскага рамеснага вучылішча

Палажэнне аб рамесніцкім вучылішчы было зацверджана 14 мая 1899 г. Першапачаткова вучылішча было адкрыта пры Талмуд-Торы. Аднак паводле палажэння пачалося будаўніцтва новага вучэбнага корпуса і майстэрань. Значную частку сродкаў на будаўніцтва ахвяраваў З. Каган. Старшыня апякунскага савета М.С. Шмерлінг выдаткаваў сродкі на абсталяванне вучылішча. Урачыстае адкрыццё новых вучылішчных будынкаў адбылося 30 лістапада 1903 г. Навучанне было платнае. Вучылішча мела 4 цэхі: слясарны, такарны, кавальскі і сталярны. У 1907 г. былі адкрыты дадатковыя курсы чарчэння і малявання.