зваротная сувязь
Калі вы заўважылі недакладнасць, ці маеце пытанне - лістуйце:
Касцёл
Шыфр
212Г000253
Катэгорыя каштоўнасці
Тып каштоўнасці
Месца знаходжання
Датаванне
1852 - 1857
Стыль
неаготыка
Апісанне
Храм знаходзіцца ў паўночна-усходняй частцы аграгарадка Сар’я на вуліцы Будаўнічай. На месцы былых могілак, каля якіх і быў пабудаваны касцёл, пракладзена невялікая алея, у яе канцы, бліжэй да храма, усталяваны памятны камень. Храм з чырвонай цэглы, прамавугольны, аднанефавы ў плане, з пяціграннай апсідай і дзвума невялікімі сакрысціямі. Пабудаваны ў 1852 – 1857 гг. па замове і на сродкі ўладальніка Сар’я Ігнація Лапацінскага на памяць аб памерлай жонцы. Асвечаны ў 1857 г. як касцёл ў імя Найсвяцейшай Панны Марыі. У дадзены час з’яўляецца праваслаўнай царквой Успення Найсвяцейшай Багародзіцы. Узведзены з чырвонай цэглы неатынкаваны Сар’янскі храм захаваўся да нашага часу і зараз з’яўляецца адным з самых выразных узораў архітэктуры неаготыкі ў Беларусі. Касцёл быў пабудаваны з цэглы, што выраблялася на цагельні Ігнація Лапацінскага, якая знаходзілася на адлегласці чвэрці вярсты ад маёнтка. Алтар быў выкананы накшталт гатычнага саркафага з дубовага дрэва. За ім з такога ж дрэва ўзносіўся цыборыюм.
Сартаваць па