зваротная сувязь
Калі вы заўважылі недакладнасць, ці маеце пытанне - лістуйце:
Касцёл
Шыфр
613Г000373
Катэгорыя каштоўнасці
Тып каштоўнасці
Падтып каштоўнасці
Месца знаходжання
Мінская вобласць, Мінскі раён, в. Аколіца, вул. Іванаўская, 17Б
Датаванне
1862 г.
Стыль
Рэтраспектыўна-гатычны
Апісанне
У пачатку 1806 г. па ініцыятыве мінскага епіскапа Якуба Дзядзеркі быў пабудаваны драўляны храм, прыпісаны да Мінскага кафедральнага касцёла, пад назвай Халяўшчынскі касцёл Святога Тадэвуша. У 1858-1862 гг. на месцы драўлянага касцёла ўзведзены мураваны. У ліпені 1866 г. прынята рашэнне аб перадачы будынка касцёла ў праваслаўнае ведамства, у выніку якога касцёл быў асвечаны ў царкву Успення Божай Маці.
Ля падэшвы гары, на якой стаяў былы касцёл, мелася крыніца. У 1880 г. прыхаджане царквы паставілі на ёй драўляную капліцу.
Будынак касцёла сур'ёзна пацярпеў у гады Другой сусветнай вайны і прастаяў без рамонту да 1970-х гг. Усё ўнутраннае ўбранства было страчана. У 1974 г. быў адкрыты спартыўны комплекс "Раўбічы". У непасрэднай блізкасці ад будынка былога касцёла пабудавалі лыжныя трампліны.
Гэта будаўніцтва стала штуршком для рэстаўрацыі касцёла і прыстасаваннем яго пад філіял мастацкага музея. У 1975-1978 гг. будынак касцёла быў рэстаўраваны, з боку абсіды да яго прыбудавалі новы аб'ём.
Сартаваць па