Адпраўлена!

Памылка!

Касцёл Бязгрэшнага Зачацця Прасвятой Дзевы Марыі

Цiкавае

Змест

Звесткі аб каштоўнасці

Шыфр

212Г000417

Катэгорыя каштоўнасці

аб'екты нацыянальнага значэння

Глава

Матэрыяльныя нерухомыя каштоўнасці

Тып каштоўнасці

Помнiк архiтэктуры Г

Падтып каштоўнасці

Помнiк культавай архiтэктуры

Месца знаходжання

Віцебская вобласць, Глыбоцкі раён, в. Удзела

Датаванне

1642 г.

Апісанне

Касцёл Бязгрэшнага Зачацця Прасвятой Дзевы Марыі ў в. Удзела - помнік архітэктуры позняга барока з элементамі класіцызму (закладзены ў сярэдзіне XVIII ст., перабудаваны ў 1837 г.).

Па адных звестках мураваны касцёл на месцы драўлянага быў пабудаваны ў 1740 г., згодна Т.В. Габрусь - у 1766 г.

Касцёл уяўляе сабой шасцістоўпную, трохнефную зальную базіліку (усе нефы роўныя па вышыні). Мяркуючы па плану, касцёл стаяў асобна і не злучаўся з кляштарам. Прэсбітэрый завершаны паўкруглай апсідай з бакавымі сакрысціямі. У плане храма вылучаны нартэкс, які мае характэрны познебарочны абрыс знешняга фасада. Завяршаўся галоўны фасад дзвюмя вежамі і фігурным франтонам.

У 1809 г. касцёл згарэў. Пасля пажару бакавыя вежы былі разабраныя, што значна змяніла знешні воблік касцёла. У 1837 г. касцёл быў істотна перабудаваны ў стылі позняга класіцызму: зменены характар пакрыцця і завяршэння галоўнага фасада, афармленне інтэр'ера. Так у інтэр'еры адзінай барочнай прыкметай застаўся крывалінейны абрыс арганных хораў.

У другой палове ХІХ ст. перад галоўным фасадам касцёла на адной восі з галоўным уваходам была пабудавана двух'ярусная брама-званіца.