Касцёл Дабравешчання Найсвяцейшай Дзевы Марыі-143

Будынак касцёла складаецца з аднолькавых па вышыні бабінца, асноўнай часткі і алтарнай прыбудовы, якія ствараюць выцягнуты па цэнтральнай восі суцэльны манументальны аб"ём, накрыты агульным вальмавым дахам. 2 сакрысціі прыбудаваны ў месцы злучэння асноўнай і алтарнай частак, пластычна звязаны з імі двухсхільнымі дахамі. Інтэр"ер зальны. Столь плоская, у алтары -- цыліндрычнае скляпенне. Над уваходам -- хоры на 4 калонках. Драўляны алтар выкананы ў спрошчаных барочных формах.З паўночнага боку касцёла знаходзіцца драўляная двух"ярусная каркасная званіца.